نیشنل ایئر کارگو ایشیا میں اپنی موجودگی میں اضافے کے لیے وسائل کو بروئے کار لا رہا ہے

آرچرڈ پارک، نیو یارک، 13 جنوری/پی آرنیوزوائر-ایشیانیٹ/

ادارے نے سیلز ٹیم تیار اور ٹول فری نمبر پروگرام شامل کیے ہیں

نیشنل ایئر کارگو نے ایشیائی مارکیٹ میں اپنی موجودگی میں اضافے کے لیے وسائل کو بروئے کار لا رہا ہے،  جو ادارے کی بھرپور ترقی اور کاروبار کے نئے مواقع پیدا کرنے کی حکمت عملی کا حصہ ہے۔ ادارے نے حال ہی میں ایشیا کے لیے مخصوص ایک سیلز ٹیم تشکیل دی ہے اور ٹول فری فون نمبرز شامل کیے ہیں جو کوالالمپور میں واقع مخصوص کال سینٹر کے ذریعے اضافی اوقات میں بھی خدمات فراہم کریں گے۔

نیشنل ایئر کارگو کے علاقائی ڈائریکٹر برائے بحر الکاہل حلقہ (پیسفک رم) ایلن وائٹ کا کہنا ہے کہ “یہ سرمایہ کاری ایشیائی مارکیٹ میں ہماری بھرپور ترقی کی بنیاد پر کی گئی ہے جو صرف گزشتہ ایک سال میں تقریبا 50 فیصد بڑھ چکی ہے۔ ہمیں یقین ہے کہ کارپوریٹ وسائل کا یہ تعین ابھرتی ہوئی عالمی مارکیٹ میں ہمیں سرمایہ کاری کا اچھا بدل فراہم کرے گی۔”

ایشیا میں نیشنل ایئر کارگو کے تمام معاملات کی سربراہی کرنے والے جناب وائٹ نئی سيلز ٹیم کو ہدایات دیں گے۔ بھارت میں سیلز کی کوششوں کی قیادت کرنے کے لیے ہری سبرامنیم کو دبئی سے ایک مرتبہ پھر بھارت میں متعین کیا گیا ہے۔ ہریاتی نوردن کو کمرشل اور چارٹر مارکیٹوں میں سیلز کی کوششوں میں مدد کے لیے حاصل کیا گیا ہے اور وہ کوالالمپور میں تعینات ہوں گے۔ نئی سیلز ٹیم میں شمولیت اختیار کرنے والوں میں والٹر ایڈورڈز بطور بزنس ڈیولپمنٹ مینیجر اور کیکو ٹاکاٹسو بطور اکاؤنٹ ایگزیکٹو شامل ہیں جو جاپان میں مقیم ہوں گے۔ مارتھا چنگ کو بطور سیلز سپورٹ ایگزیکٹو حاصل کیا گیا ہے اور وہ سیول، کوریا میں تعینات ہوں گی جہاں وہ مقامی نیشنل ایئر کارگو دفتر کا انتظام سنبھالیں گی اور ملک کے شپنگ صارفین کو تمام خدمات فراہم کریں گی۔

نیشنل ایئر کارگو نے ایک ٹول فری نمبر پروگرام بھی جاری کیا ہے تاکہ اُن صارفین کو مزید سہولت مل سکے جنہیں پک اپ ڈلیوری کے لیے ٹرانسپورٹ کے جدول کی ضرورت ہے۔ نئے نمبروں پر کال کوالالمپور میں کال سینٹر کو منتقل کر دی جائے گی۔ یہ کال سینٹر تربیت یافتہ عملے پر مشتمل ہوگا جو مختلف زبانوں میں کالز وصول کرنے کی صلاحیت کا حامل ہوگا۔ یہ ٹول فری نمبر شپنگ کی شیڈولنگ، ڈلیوریز کو ٹریک کرنے یا ادارے کی کئی فریٹ فارورڈنگ خدمات میں سے کسی کو استعمال کرنے کے لیے ایشیا بھر میں نیشنل ایئر کارگو سے رابطے کی سہولت دیں گے۔

ٹول فری نمبرز یہ ہیں:

– جاپان: 010 800 6860 4655

– کوریا: 001 800 6860 4655

-بھارت: 000 800 600 1152

-فلپائن: 00 800 6860 4655

-سنگاپور: 800 6860 4655

-تھائی لینڈ: 001 800 6860 4655

وائٹ نے گفتگو کا اختتام کرتے ہوئے کہا کہ “ہم ایشیا میں اپنے نقوش کو مزید پھیلانے کے لیے ان وسائل کی شمولیت پر بہت خوش ہیں اور ہماری نظریں اس متحرک مارکیٹ میں مستقل ترقی کرنے پر مرکوز ہیں۔”

نیشنل ایئر کارگو کے بارے میں

1991ء سے قائم نیشنل ایئر کارگو کئی عسکری و صنعتی صارفین کو اعلیٰ معیار کی اور موثر فریٹ فارورڈنگ خدمات فراہم کرتا ہے۔ ادارہ مخصوص ہوائی جہازوں کے ذریعے ایئر لفٹ آپریشنز کرتا ہے جو 4 ٹن سے 250 ٹن تک وزن کو دنیا بھر میں لے جانے کی صلاحیت رکھتے ہیں۔ مزید معلومات کے لیے ملاحظہ کیجیے www.nationalaircargo.com۔

نیشنل ایئر لائنز کے بارے میں

1985ء میں قائم ہونے والی نیشنل ایئر لائنز اِس وقت 45 ٹن کی گنجائش کے حامل تین طویل فاصلے تک جانے والے بین البراعظمی جیٹ فریٹرز چلا رہا ہے۔ نیشنل ایئر لائنز کا صدر دفتر یپسلانٹی، مشی گن میں واقع ہے اور وہ جدول کے مطابق اور آن ڈیمانڈ کارگو چارٹر سروسز چلاتی ہے۔

روابط:

بین رابرٹس/ارل ویلز

e3communications

+1-716-854-8182

ذریعہ: نیشنل ایئرکارگو

رابطہ: بین رابرٹس یا ارل ویلز، دونوں برائے  e3communications،

+1-716-854-8182

جدت طراز تعلیم و تدریس میں ٹیکنالوجی کے کردار پر توجہ مرکوز کرنے کے لیے اہم تحقیقی منصوبہ

لندن، 13 جنوری/پی آرنیوزوائر-ایشیانیٹ/

مائیکروسافٹ پارٹنرز ان لرننگ اہم کثیر القومی تحقیق پر قومی حکومتوں کے ساتھ تعاون کرے گا

مائیکروسافٹ کارپوریشن نے آج اعلان کیا ہے کہ اس کا پارٹنرز ان لرننگ پروگرام انوویٹو ٹیچنگ اینڈ لرننگ (ITL) ریسرچ پروجیکٹ کے ساتھ تعاون کر رہا ہے۔ یہ تحقیق، جس کی قیادت ایس آر آئی انٹرنیشنل کر رہا ہے، وسیع پیمانے پر ان اثرات کی نشاندہی کرے گی جو اسکول اور تعلیمی نظام کی سطح پر تدریس و علم کو تبدیل کرنے والی اطلاعات و مواصلات کی ٹیکنالوجی (ICT) ڈال رہی ہے۔

(لوگو: http://www.newscom.com/cgi-bin/prnh/20000822/MSFTLOGO)

مائیکروسافٹ فن لینڈ، انڈونیشیا، روس اور سینی گال کی حکومتوں کی شراکت سے ہونے والی اس کئی سالوں پر محیط طویل تحقیق میں ہر سال ایک ملین ڈالرز (امریکی) کی سرمایہ کاری کرے گا۔ اس تحقیق کی بنیادی توجہ اساتذہ کی جانب سے جدید جماعتی تدریسی عمل اختیار کرنے اور ذاتی تجربات سے سیکھنے کے علاوہ ان عوامل کی اس سطح کو فراہم کرنے پر مرکوز ہوگی جوطلباء میں 21 ویں صدی میں کام کے لیے درکار صلاحیتوں کو فروغ دے گی۔ یہ منصوبہ انجمن اقتصادی تعاون و ترقی (OECD)، یونیسکو، عالمی بینک، بین الاقوامی انجمن برائے ٹیکنالوجی بر تعلیم (ISTE) اور دیگر اداروں کی بیرونی مشاورت سے رہنمائی حاصل کرے گا۔ یہ پیر کو اعلان کی گئی تعین و تدریس از 21 ویں صدی کی مہارت (ACT21S) تحقیق کو مکمل کرے گی جس کی بنیادی توجہ 21 ویں صدی کی مہارتوں کا تعین کرنا اور طلباء کی تشخیص کو نئے طریقے مہیا کر کے ناپنے کی نئی راہیں متعین کرنا ہے۔

ورلڈ وائیڈ ایجوکیشن فار مائیکروسافٹ کے نائب صدر انتھونی سالسیٹو کا کہنا ہے کہ “دنیا بھر میں تعلیمی و سیاسی رہنماؤں نے نوجوانوںکو 21 ویں صدی کے لیے تیار کرنے کی ضرورت کو تسلیم کیا ہے، یہ ایک ایسا ہدف ہے جس کے حوالے سے ہمارا یقین یہ ہے کہ اسے حاصل کرنے کے لیے تعلیمی مواقع کی تبدیلی اور تدریس و تعلیم میں ٹیکنالوجی کی موثر شمولیت کی ضرورت ہے۔ ہم جدید تدریس و تعلیمی تحقیق کے پروگرام میں بڑے پیمانے پر سرمایہ کاری کر رہے ہیں تاکہ اس تبدیلی میں جان ڈالنے اور درست راہ پر ڈالنے کے لیے ضرورت ڈیٹا اور واضح شواہد فراہم کیے جائیں۔”

جامعات، فکر گاہوں (تھنک ٹینکس) اور دیگر اداروں سے کی قومی محققین کی ٹیمیں ایس آر آئی انٹرنیشنل کے ساتھ مل کر ہر ملک میں تحقیق کریں گی۔

ایس آر آئی انٹرنیشنل میں آئی ٹی ایل ریسرچ پروجیکٹ ڈائریکٹر لنڈا شیئر کا کہنا ہے “ایس آر آئی اس آرزو مندانہ عالمی منصوبے کا حصہ بننے پر بہت زیادہ خوش ہے، جو مختلف ممالک کے سیاق و سباق میں تعلیمی تجدد کو تبادلہ خیال کے لیے ایک مشترکہ پلیٹ فارم تیار کرنے کا بے مثال موقع پیش کرتا ہے۔” ایس آر آئی ، آئی ٹی ایل کے ریسرچ ڈیزائن مرحلے کی قیادت کرے گا اور عالمی سطح پر جمع کیے گئے ڈیٹا اور تجزیے کو منظم کرے گا۔

کئی سالوں پر محیط تحقیقی پروگرام مختلف ملکوں کے تناظر میں تدریسی عمل کو تشکیل دینے والے قومی و درس گاہوں کی سطح کے عوامل کی عمیق جانچ کے لیے متوازی کیس اسٹڈیز کا استعمال کرے گا۔ اس پروگرام کے حوالے سے مائیکروسافٹ کو امید ہے کہ مستقبل میں مزید ممالک تک پھیلے گا۔ یہ پروگرام مختلف کیسز کی جانچ کر کے تعلیمی اسٹیک ہولڈرز کو ٹیکنالوجی کی جماعت میں موجودگی کے ذریعے تدریس اور تعلیم کو موثر بنانے کے لیے اطلاعات کا ایک بیش بہا مجموعہ فراہم کرے گا۔

او ای سی ڈی کے نیو ملینیم لرنرز پروجیکٹ کے لیے سینئر تجزیہ کار اور آئی ٹی ایل ریسرچ پروجیکٹ کے مشیر فرانسسک پیڈرو کا کہنا ہے کہ “دنیا بھر کے ممالک کے تعلیمی پالیسی سازوں نے گزشتہ دہائیوں میں آئی سی ٹی میں بڑے پیمانے پر سرمایہ کاری کی ہے، اور وہ طلباء کی تعلیم پر اس کے گہرے اثرات دیکھنا چاہتے ہیں۔ آئی ٹی ایل ریسرچ کو عین اسی مسئلے کو پرکھنے کے لیے تیار کیا گیا کہ کون سے عوامل تدریس و تعلیم میں ٹیکنالوجی کی موثر شمولیت میں اپنا کردار نبھا سکتے ہیں اور روز مرہ امور کی مستعدانہ بصیرت کے ساتھ ایک تکمیل کی جانب پیشرفت کو یکجا کر سکتے ہیں۔”

آئی ٹی ایل ریسرچ کی بنیادی توجہ جدید تدریسی طریقہ ہائے کار پر ہے تاکہ طلباء کو ایسا تدریسی تجربہ حاصل ہو جو 21 ویں صدی کی مہارت کی ترویج کرے۔

آئی ٹی ایل ماڈل میں شامل جدید تدریسی طریقہ ہائے کار کو طلبہ مرکزی معلمی، اسکول کی دیواروں سے باہر سیکھنے کے مواقع اور تدریس و تعلیم میں آئی سی ٹی کی شمولیت کے ذریعے بیان کیا گیا ہے۔

طریقہ ہائے کار، ڈیٹا اور رپورٹیں دنیا بھر کے محققین کے لیے کھلی ہوں گی، اور ہر سال مفت اور عوامی طور پر دستیاب ہوں گی۔ مزید برآں یہ تحقیقی منصوبہ اسکولوں اور تعلیمی نظاموں کے لیے قدر پیمائی کے ایسے ٹولز کا مجموعہ تخلیق کرے گا، جسے مذکورہ ادارے اپنی نشوونما کو  جانچنے کے لیے استعمال کر سکیں گے۔ منصوبے کے پہلے سال کے نتائج اور رپورٹیں 2010ء کے موسم گرما تک آنے کی امید ہے جبکہ سالانہ نتائج آنے والے سالوں میں سامنے آئیں گے۔

یونیسکو میں ڈائریکٹر اور گلوبل کوآرڈی نیٹر برائے پارٹنرشپس اور آئی سی ٹی کیپسٹی بلڈنگ پروجیکٹس طارق شوقی کا کہنا ہے کہ “یہ ایک بلند حوصلہ تحقیقی منصوبہ ہے جو اس امر کی بہتر سمجھ دینے میں مدد فراہم کرے گا کہ ٹیکنالوجی سے لیس تدریسی طریقہ ہائے کار کس طرح تدریس و تعلیم کے لیے زیادہ موثر ہو سکتے ہیں۔ یونیسکو اس تحقیق کی اہمیت اور ضرورت کی مکمل توثیق کرتا ہے۔ ہم امید کرتے ہیں کہ اس منصوبے سے حاصل ہونے والے نتائج آج کے ٹیکنالوجی مشغول اساتذہ و طلباء کی بدلتی ہوئی تعلیمی ضروریات کو بہتر انداز میں پورا کرنے کے لیے تعلیمی پالیسی کی نئی سمتیں متعین کرنے میں مدد دیں گے۔”

منصوبے کے حوالے سے مزید معلومات http://www.itlresearch.com پر دستیاب ہیں۔

مائیکروسافٹ پارٹنرز ان لرننگ کے بارے میں

مائیکروسافٹ پارٹنرز ان لرننگ پروگرام تقریبا 500 ملین ڈالرز کا ایک 10 سالہ منصوبہ ہے جو دنیا بھر میں تعلیمی نظاموںکو بدلنے کے لیے مائیکروسافٹ کا عہد ہے۔ 2003ء میں اعلان کردہ پارٹنرز ان لرننگ پروگرام حکومتوں کو اپنے ممالک میں تعلیم کے نئے مستقبل کے تصور؛ اسکول رہنماؤں کو قیادت اور انتظامی معلومات میں تبدیلی؛ جماعت میں ٹیکنالوجی کے موثر استعمال کے لیے اساتذہ کی صلاحیتوں کو بڑھانے ؛ اور اساتذہ اور طلبہ کو ٹیکنالوجی تک بھرپور رسائی دینے میں مددکر رہا ہے۔ مائیکروسافٹ انفرادی تعلیم کے ذریعے علم کی قوت کو پھیلانےپر یقین رکھتا ہے۔

مائیکروسافٹ کےبارے میں

1975ء میں قائم ہونے والا مائیکروسافٹ (نیس ڈیک: MSFT) سافٹ ویئر، خدمات اور حل پیش کرنے والا ایک معروف عالمی ادارہ ہے، جو افراد اور کاروباری اداروں کو اپنی مکمل صلاحیتوں کے ادراک میں مدد دیتے ہیں۔

ذریعہ: مائیکروسافٹ

رابطہ: اینگ میک لافلن،

+1-425-638-7000،

amclaughlin@waggeneredstrom.com،

یا ریپڈ رسپانس ٹیم،

+1-503-443-7070،

rrt@waggeneredstrom.com،

 

مائیکروسافٹ کارپوریشن  کیلئے  دونوں ویگنر ایڈسٹروم ورلڈ وائیڈ سے۔

ہدایت برائے مدیران: اگر آپ مائیکروسافٹ کے حوالے سے مزید معلومات کے خواہاں ہیں تو مائیکروسافٹ کے کارپوریٹ انفارمیشن پیجز پر مائیکروسافٹ ویب پیج http://www.microsoft.com/presspass ملاحظہ کیجیے۔ اس اعلامیہ کے اجراء کے وقت تمام ویب روابط، ٹیلی فون نمبر اور خطابات درست کیے گئے تھے، لیکن ان میں تبدیلی کا امکان ہے۔ اضافی مدد کے لیے صحافی اور تجزیہ کار مائیکروسافٹ کی ریپڈ رسپانس ٹیم یا http://www.microsoft.com/presspass/contactpr.mspx پر موجود روابط میں سے مناسب فرد سے رابطہ کر سکتے ہیں۔

 

اوکٹافارما نے ون ولیبرانڈ بیماری کے لیے خاص طور پر تیار کردہ پہلے ری پلیس منٹ طریقہ علاج ولیٹ (ر) کے لیے اورفن ڈرگ کی امتیازی منظوری حاصل کر لی

لاخن، سوئٹزرلینڈ، 13 جنوری/پی آرنیوزوائر-ایشیانیٹ/

– اہم سنگ میل عبور کرنے کے ساتھ ہی امریکہ کی بلڈ کوایگولیشن مارکیٹ میں سوئس  ادارے کا داخلہ

دنیا کے بڑے پلازما مصنوعات بنانے والے اداروں میں سے ایک اوکٹافارما اے جی نے آج اعلان کیا ہے کہ اس نے امریکی فوڈ اینڈ ڈرگ ایڈمنسٹریشن (FDA) کی جانب سے ولیٹ (ر) (wilate) کے لیے اورفن ڈرگ  کی امتیازی منظوری حاصل کر لیا ہے۔ اس حیثیت سے ولیٹ (ر) کے استعمال کی اجازت مل گئی ہے جو خطرناک وون ولیبرانڈ ڈیزیز (VWD) کے حامل مریضوں میں خود بخود یا جراحی کے نتیجے میں ہونے والے خون نکلنے کے علاج کے لیے استعمال ہونے کے ساتھ ساتھ ہلکی یا درمیانے درجے کی VWD کے حامل مریض، جن کے لیے ڈیسموپریسن بے اثر یا غیر موافق ثابت ہو یا اس کے بے اثر ہونے کا شبہ ظاہر ہو، استعمال کی جا سکتی ہے۔

ایف ڈی اے کی منظوری اور ولیٹ (ر) کو اورفن ڈرگ امتیازی حیثیت دیے جانے سے اوکٹافارما یو ایس اے امریکی بلڈ کوایگولیشن مارکیٹ میں داخل ہو گیا  ہے، جس کی مصنوعات کی دستیابی جدول کے مطابق 2010ء کے اوائل میں ہوگی۔ اوکٹافارما یو ایس اے دنیا کے بڑے پلازما مصنوعات بنانے والے اداروں میں سے ایک اوکٹافارما اے جی کا ایک تیزی سے آگے بڑھتا ہوا امریکی شعبہ ہے۔

اوکٹافارما گروپ کے نائب چیئرمین کم بیورنسترپ کا کہنا ہے کہ “ایف ڈی اے کی جانب سے ولیٹ (ر) کی اورفن ڈرگ کی حیثیت سے امتیازی منظوری اوکٹافارما کی اس دوا کی پیشرفت میں ایک اہم رُخ ہے۔ اورفن ڈرگ کی امتیازی حیثيت حاصل کرنے کے لیے ایک لازمی مطالبہ ایف ڈی اے کو پیش کیا گیا جس نے وضاحت کی کہ ولیٹ (ر) کس طرح موجودہ طریقہ ہائے علاج سے طبی طور پر بہتر ہو سکتا ہے۔ (1) ولیٹ (ر) وی ڈبلیو ڈی کے علاج کے لیے خاص طور پر تیار اور ساخت کی گئی ہے۔ دو وائرل ترقیق مراحل کا انوکھا ملاپ، انتہائی صفائی اور FVIII اور VWF کا عضویاتی 1:1 کا تناسب وون ولیبرانڈ ڈیزیز کے حامل مریضوں کے لیے علاج کا جدید آپشن فراہم کرے گا۔”

ولیٹ (ر) کے بارے میں:

ولیٹ (ر) ایک نئی تیار کردہ، انتہائی خالص، دہری وائرس غیر موثریت وون ولیبرانڈ فیکٹر/کوایگولیشن فیکٹر VIII کنسنٹریٹ (ہیومن) ہے جو وی ڈبلیو ڈی کی تمام اقسام کے لیے انتہائی کارگر ثابت ہوئی ہے، جس میں معروضی و موضوعی جانچ کے استعمال کے ذریعے مریض بچوں پر کیے گئے چار احتمالی طبی تجربے شامل ہیں۔

4 دسمبر 2009ء کو ولیٹ (ر) نے

خطرناک وون ولیبرانڈ ڈیزیز (VWD) کے حامل مریضوں میں خود بخود یا جراحی کے نتیجے میں ہونے والے خون نکلنے کے علاج اور ہلکی یا درمیانے درجے کی VWD کے حامل مریضوں، جن کے لیے ڈیسموپریسن بے اثر یا غیر موافق ثابت ہو یا اس کے بے اثر ہونے کا شبہ ظاہر ہو، کے لیے ایف ڈی اے کی رجسٹریشن حاصل کی۔ (2) ولیٹ (ر) پہلا دوہرا وائرس غیر متحرکVWF/FVIII (وون ولیبرانڈ فیکٹر/فیکٹر FVIII)، انتہائی خالص کنسنٹریٹ،سولوینٹ/ڈیٹرجنٹ (S/D) پروسس اور ایک خاص ٹرمینل ڈرائی ہیٹنگ (TDH) سسٹم ہے۔ تطہیر کے منتخب عمل VWF/FVIII کمپلیکس کو انتہائی پروٹین-پروٹیکٹنگ کنڈیشنز میں الگ کرتے ہیں، نتیجتاً VWF:RCo (رسٹوسیٹن کوفیکٹر) اور FVIII سرگرمیوں کا 1:1 کا تناسب سامنے آتا ہے جو عام پلازما جیسا ہی ہے۔ ولیٹ (ر) امریکہ میں جمع کیے گئے انسانی پلازما کے بڑے ذخیرے سے خاص طور پر حاصل کیا گیا ہے۔ ایف ڈی اے نے پلازما عطیات کے مراکز کی منظوری دی اے اور اسٹیبلائزر کی حیثیت سے کوئی البومن استعمال نہیں کیا گیا۔

چار احتمالی طبی تجربے خون نکلنے کے خطرناک وقفے اور وی ڈبلیو ڈی کی مختلف اقسام کے حامل مریضوں میں پروفائی لیکس کے علاج میں ولیٹ (ر) کے تحفظ، قلابیت پذیری اور ہیمو اسٹیٹک موثریت کو ظاہر کرتے ہیں۔ معروضی معیار میں استعمال کے ذریعے ولیٹ کا 1068 خون نکلنے کے وقفوں میں کا مشاہدہ کیا گیا اور 84 سے 93 فیصد تک کامیابی حاصل کی، نتائج میں یہ تبدیلی مریضوں کی اقسام کی وجہ سے آئی۔ (3)

1980ء کی دہائی کے وسط سے پلازما تیاری کے وائرل تحفظ مطالبات میں تیزی سے سختی آئی ہے، جس میں وائرس کے خاتمے/غیر موثر کرنے کا مظاہرہ کرنے کا مطالبہ کیا گیا (4) (5)۔ وائرل غیر موثریت کے مختلف اقدام نے کوایگولیشن مصنوعات کے تحفظ کو بہتر بنایا ہے، لیکن انتہائی متعدی مخفی وائرسز سے تحفظ کے لیے S/D غیر موثریت تحفظ کا موجودہ اعلیٰ ترین معیار ہے (6)۔ اوکٹافارما پہلا مینوفیکچرر ہے جس نے پلازما ماخذین کی بڑے پیمانے پر یداوار کے لیے S/D غیر موثریت کے لیے درخواست دی۔ ولیٹ (ر) ساخت گری کا عمل دو آزاد اور موثر وائرس غیر موثریت کے عوامل کو فراہم کرتا ہے جس میں قابل ذکر بڑے پیمانے پر S/D ٹریٹمنٹ اور حتمی کنٹینر میں لائیفلائزڈ پروڈکٹ کی ٹی ڈی ایچ پروڈکٹ شامل ہیں۔ مزید برآں ولیٹ (ر) کی تیاری کے دوران آئیون-ایکسچینج کروماٹوگرافی نے وائرل تحفظ میں اپنا کردار ادا کیا۔

انسانی پلازما VWF اور FVIII کی انتہائی کم کثافت کا حامل ہوتا ہے۔ ولیٹ (ر) کی تیاری کا عمل اس طرح ڈیزائن کیا گیا ہے کہ یہ VWF/FVIII مرکب کا تناسب بڑھا دیتا ہے۔ دیگر پلازمالحمیات جو طبی فروعی اثرات (سائیڈ افیکٹ) میں اضافے کا سبب بن سکتے ہیں، ساتھ ساتھ پروٹیزز جو کوایگولیشن عوامل کے استحکام کو خراب کر سکتے ہیں اور ان کے قدرتی ڈھانچے اور کارگزاری کو نقصان پہنچا سکتے ہیں، کو پیداوار کے دوران موثر طور پر ختم کر دیا گیا۔

وی ڈبلیو ڈی کے بارے میں:

وی ڈبلیو ڈی خون جاری ہونے کی ایک عام بیماری ہے، جو سینٹرز فار ڈیزز کنٹرول اینڈ پریونشن کے مطابق امریکہ کی کل آبادی کے تقریباً 1 یا 2 فیصد افراد میں پائی جاتی ہے۔ (7) یہ بیماری جسم کے خون کو جمنے میں مدد دینے والے انسانی لحمیہ وون ولیبرانڈ فیکٹر کی کارگزاری میں ناکامی کا نتیجہ ہوتی ہے۔

اوکٹافارما کے بارے میں

لاخن، سوئٹزرلینڈ میں صدر دفاتر کا حامل اوکٹافارما پلازما مصنوعات بنانے والے دنیا کے بڑے اداروں میں ایک ہے اور 25 سالوں سے مریضوں کی دیکھ بھال اور طبی جدت طرازی سے وابستہ ہے۔ اوکٹافارما کا بنیادی کاروبار انتہائی معیاری انسانی پلازما اور انسانی سیل-لائنز سے انسانی لحمیات کے طریقہ علاج کی تیاری، پیداوار اور فروخت ہے، جس میں امیون گلوبلین انٹراوینوئس (IGIV) شامل ہے۔ امریکہ میں اوکٹافارما کی آئی جی آئی وی پروڈکٹ اوکٹاگیم (ر) (امیون گلوبلین انٹراوینوئس [ہیومن] 5 فیصد)، مامونیاتی نظام کی خرابیوں کے علاج کے لیے استعمال ہوتی ہے، اور زیر گردش خون کے حجم کی بحالی اور دیکھ بھال کے لیے اوکٹافارما کی البومن (ہیومن)کی نشاندہی کی جاتی ہے۔ اوکٹافارما دنیا بھر کے 80 ممالک میں بائیوفارماسیوٹیکل تجربہ رکھتا ہے اور 3 ہزار سے زائد ملازمین کا حامل ہے، ان ممالک میں امریکہ بھی شامل ہے جہاں اوکٹافارما یو ایس اے ہوبوکن، نیو جرسی میں واقع ہے۔ اوکٹافارما دو جدید ترین پیداواری تنصیبات چلاتا ہے جو یو ایس فوڈ اینڈ ڈرگ ایڈمنسٹریشن سے لائسنس یافتہ ہیں، اور پیداوار کی لچکداری کی بلند سطح اور پیداوار کی قلت کو کم سے کم کرنے کی سہولیات فراہم کرتی ہیں۔ مزید معلومات کے لیے www.octapharma.com ملاحظہ کیجیے۔

مستقبل کے حوالے سے بیانات

یہ خبری اعلامیہ مستقبل کے حوالے سے بیانات کا حامل ہے، جن میں معلوم و غیر معلومات خطرات، غیر یقینی کیفیات اور دیگر عناصر شامل ہوتے ہیں جو ادارے کے ضابطے میں نہیں آتے۔ ادارہ مستقبل کے واقعات و پیشرفت کے ساتھ ساتھ اِن بیانات کو تازہ تر (اپ ڈیٹ) کرنے کی کوئی ذمہ داری نہیں لیتا۔ ان عناصر میں موجودہ و زیر تکمیل تحقیق کے نتائج اور ڈیولپمنٹ سرگرمیاں اور ایف ڈی اے اور دیگر تنظیمی اداروں کے اقدامات شامل ہیں۔

حوالہ جات

(1)                        شعبہ صحت و انسانی خدمات فوڈ اینڈ ڈرگ ایڈمنسٹریشن 21 سی ایف آر حصہ 316 (پروانہ نمبر 85N-0483)، آر آئی این 0905-AB55 اورفن ڈرگ قوانین، ذیلی حصہ سی، دستیاب ہے یہاں: www.fda.gov/ForIndustry/DevelopingProductsforRareDiseasesConditions/HowtoapplyforOrphanProductDesignation/ucm135122.htm

(2) ولیٹ (ر) منظور شدہ مکمل ہدایت نامہ معلومات، دسمبر 2009ء

(3) ایضاً

(4) وائرس ویلیڈیشن اسٹڈیز پر ہدایات رہنمائی: وائرسز کی غیر موثریت اور خاتمے کی تصدیق کرنے والی تحقیق کی تیاری، حصہ اور توضیح CPMP/BWP/268/95 فروری 1996۔

(5) پلازما سے نکلنے والی مصنوعات پر ہدایات رہنمائی CPMP/BWP/269/95 نظر ثانی 2، جولائی 1998ء

(6) فاروگیا اے، ہیموفیلیا کے علاج کے لیے خون کے جماؤ کے عوامل کے اندازے کے لیے رہنما، 2003ء WFH

(7) مرکز برائے تضبیط امراض و تحفظ۔ خون نکلنے کی بیماریاں، یہاں دستیاب ہے: www.cdc.gov/ncbddd/hbd/hemophilia.htm 22 نومبر 2009ء کو رسائی حاصل کی گئی

یہ اعلامیہ امریکہ میں اجراء کے لیے نہیں ہے

ذریعہ: اوکٹافارما اے جی

رابطہ: اولاف والٹر، ایم ڈی پی ایچ ڈی، سربراہ انٹرنیشنل بزنس یونٹ کوایگولیشن،

olaf.walter@octapharma.ch، +41-55-4512-115

مائیکروسافٹ ملائیشیا کے خوردہ فروشوں کے توسیع کے جرات مندانہ منصوبوں کی مدد کرے گا

نیویارک، 12 جنوری/پی آرنیوزوائر-ایشیانیٹ/

2010ء میں اسٹورز کی تعداد کو تین گنا کرنے میں مدد کے لیے بہتر اور تقریباً-اصل-وقت (ریئل ٹائم) معلومات کی ضرورت

مائیکروسافٹ کارپوریشن نے آج اعلان کیا ہے کہ MYDIN محمد ہولڈنگز برہاڈ آف ملائیشیا (MYDIN) نے ریٹیل کے لیے مائیکروسافٹ ڈائنامکس اور اپنی رپورٹنگز اور ڈیش بورڈز کے لیے مائیکروسافٹ آفس شیئرپوائنٹ سرور 2007ء کے انتخاب کا فیصلہ کیا ہے۔ MYDIN نے 2010ء میں اپنی پر عزم آن لائن ترقی میں مدد کے لیے اپنے ڈیٹا ویئرہاؤس اور آن لائن اینالیٹکل پروسیسنگ (OLAP) کیوبز کے لیے پروفٹ بیس اسٹوڈیو کا فیصلہ کیا ہے۔ MYDIN کے ترقی کے جرات مندانہ مقاصد کو اپنے فیصلہ سازوں اور فیصلے کو تحریک دینے والے فراہم کنندگان کے لیے بہتر اور تقریباً-اصل-وقت معلومات کی ضرورت ہے۔ یہ اعلان کے جاوٹز کنونشن سینٹر، نیویارک میں ہونے والے میں نیشنل ریٹیل فیڈریشن (NRF) کے سالانہ کنوکشن اور نمائش کے موقع پر کیا گیا۔

(لوگو: http://www.newscom.com/cgi-bin/prnh/20000822/MSFTLOGO)

اسٹور سسٹمز، بزنس انٹیلی جنس (BI) اور ڈیجیٹل مارکیٹنگ آئی ٹی سلوشنز فار  ریٹیل میں رہنما کی حیثیت سے مائیکروسافٹ MYDIN جیسے اداروں کو آج کی مشکل اقتصادی صورتحال میں مسابقتی برتری قائم رکھنے میں مدد فراہم کرتا ہے۔

ملائیشیا کا سب سے بڑا قومی خوردہ فروش MYDIN 2012ء تک اپنے موجودہ اسٹورز کی تعداد کو تین گنا، یعنی 49 سے بڑھا کر 125 تک، کرنے کا منصوبہ رکھتا ہے۔ MYDIN کی آئی ٹی ٹیم درپیش سب سے بڑے چیلنج، 200 ملین ٹرانزیکشنز، کو ممکن بنانے کی کوشش کر رہی ہے تاکہ تقریباً-اصل-وقت میں بہتر کاروباری فیصلے کیے جا سکیں۔ موجودہ رپورٹنگ نظام لچکدار نہیں تھا– جو ایک رپورٹ کو مکمل کرنے میں دو ہفتے لگا دیتا تھا اور وقتی تجزیہ معدوم تھا۔

MYDIN کے آئی ٹی ڈائریکٹر ملک مراد علی کا کہنا ہے کہ “ہم ایسی صورتحال سے دوچار ہیں جہاں رپورٹنگ کے لیے آئی ٹی کا بنیادی ڈھانچہ اسٹورز تشکیل اور ان کی تعداد میں اضافے کا متحمل نہیں رہ سکتا۔ ہم اس وقت دو انٹرپرائز ریسورس پلاننگ اور دو پوائنٹ-آف-سیل سسٹمز کے حامل ہیں۔ ہم اگلے دو سالوں میں اپنے مرکزی ERP سے مائیکروسافٹ ڈائنامکس AX پر منتقل ہو رہے ہیں، لیکن تب تک ہمیں ضرورت ہیں ایک ایسے طریقے کی جو ان نظاموں سے ہمارے ڈیٹا کو یکجا کر سکے اور رپورٹس اور ڈیش بورڈز فراہم کر سکے جن کی ہمارے افراد اور فراہم کنندگان کو بہتر فیصلے کے لیے ضرورت ہے۔”

MYDIN ریٹیل کے لیے مائیکروسافٹ ڈائنامکس اے ایکس کا نفاذ کر رہا ہے تاکہ اسٹورز سے رسدی زنجیر تک ریٹیل کے پورے عمل کو خودکار کیا جا سکے اور تکمیل کے ذریعے اہم عملیاتی بہتریوں کو چلایا جا سکے۔ یہ ریٹیل اسٹورز کی مرکزی انتظامیہ کو بھی تقریباً-اصل-وقت معلومات کی سہولت دے گا جو MYDIN کو منصوبے کے وقت کاروباری پیشرفت کے لیے تیار کرے گا۔

ترقی کی حکمت عملی جاری رہنے کے ساتھ MYDIN کی آئی ٹی ٹیم نے ایک اسٹریٹجک منصوبہ پیش کیا ہے جس میں آئی ٹی بنیادی ڈھانچے کی اپ گریڈنگ اور اسے تقویت دینا، ایک ایسے ڈیٹا ویئرہاؤس اور OLAP کیوب سلوشن کو اختیار کرنا شامل ہے جو ایسوسی ایشن فار ریٹیل ٹیکنالوجی اسٹینڈرڈز (ARTS) ڈیٹا معیار پر پورا اترتا ہو، اور جس میں موجودہ معلومات اور مستقبل کے کاروباری نظاموں کی معلومات کو یکجا کیا جا سکے۔

MYDIN نے دو انٹرپرائز ریسورس پلاننگ (ERP) اور دو پوائنٹ-آف-سیل (POS) سسٹمز کو یکجا کرنے کے لیے آسان استعمال کے ڈیولپمنٹ ماحول اور استعمال کے لیے فوری تیار OLAP کیوب سانچے برائے ریٹیل کے باعث پروفٹ بیس 2009ء کا انتخاب کیا، جو ARTS کے ڈیٹا معیار پر پورا اترتا ہے۔ ریٹیل سانچے فوری طور پر حرکت میں لائے جا سکتے ہیں اور اشیاء کی فروخت، گھنٹہ وار فروخت، گھنٹہ وار اشیاء فروخت، موثریت اور دیگر کی مقدار فراہم کر سکتے ہیں۔ این آر ایف کی ARTS مقداروں اور کلیدی کارکردگی اشاریہ جات (KPIs) کی قسم بندی اور فلٹرنگ کے لیے معیاری پیمائش فراہم کی گئی ہیں اور اس میں اسٹور، اسٹور ٹائپ، شعبہ، زمرہ، شے، گھنٹہ، دن، ہفتہ اور مہینہ شامل ہیں۔ مزید برآں ERP جنرل لیجرز کو گروپ کرنے کے لیے پروفٹ بیس فنانس OLAP کیوب سانچہ استعمال کیا جائے گا اس طرح ادارے کی یکجا مالیاتی حیثیت خودکار طور پر دستیاب ہوگی۔

مائیکروسافٹ کی ٹیکنالوجی برائے معلومات فراہمی و تجزیہ

MYDIN اپنے ادارے کی تمام سطحوں اور اپنے فراہم کنندگان کو معلومات کی فراہمی کے لیے مائیکروسافٹ آفس شیئرپوائنٹ سرور 2007ء کو حرکت میں لا رہا ہے۔ معیاری مالیاتی اور خوردہ KPIs کے حامل ڈیش بورڈز اور اسکور کارڈزبورڈ آف ڈائریکٹرز اور ایگزیکٹو مینجمنٹ سے لے کر مرکزی مرچنڈائزرز، برانچ آپریشن مینیجرز اور فراہم کنندگان سب کے لیے حرکت میں لائے جائیں گے۔ مزید برآں بھرپور ڈیٹا مائننگ اور وقتی تجزیے کے لیے جائزے کی صلاحیت فراہم کی جائے گی۔

مائیکروسافٹ میں ورلڈوائیڈ ریٹیل انڈسٹری گروپ کے مینیجنگ ڈائریکٹر برینڈن او’میارا کا کہنا ہے کہ “MYDIN واضح کرتا ہے کہ اس مشکل اقتصادی صورتحال میں ترقی کے لیے تیار ہونے کے لیے خوردہ فروشوں کو آئی ٹی کا کس طرح استعمال کرنا چاہیے۔ آئی ٹی کا جدید استعمال خوردہ فروشوں کو اپنے اخراجات میں ڈرامائی حد تک کمی کرنے، صارفین کو برقرار رکھنے اور نئے صارفین کو کھینچے اور مسابقتی غلبہ حاصل کرنے کے لیے کاروباری ترقی کی رفتار کو تیز تر کرنے کو ممکن بنا سکتا ہے۔ بہتر منسلک خریداری تجربات کی فراہمی کے ذریعے آن لائن خوردہ فروش جیسا کہ MYDIN، اپنے برانڈ بہتر بنا سکتا ہے اور آج کے ماحول میں، جہاں صارفین کا ضابطے میں رہنے کا بڑھتا ہوا رحجان ہے، مناسب قدر کی شمولیت کے ذریعے صارفین کی ثابت قدمی کو ممکن بنا سکتا ہے۔”

علی نے کہا کہ “پروفٹ بیس-مائیکروسافٹ بی آئی سلوشن کے ساتھ ہم زیادہ فروخت ہونے والی مصنوعات پر بہتر نظرکی امید رکھتے ہیں، جو ہمیں سہولت دے گا کہ ہم اپنے گوداموں میں ضروری سامان کی سطح کو برقرار رکھیں۔ ہم اپنے مصنوعاتی فہرست کی سطحوں کو اپنے فراہم کنندگان کے ساتھ شیئر بھی کر سکتے ہیں تاکہ وہ ہمارے اسٹورز کو بہتر انداز میں خدمات مہیا کر سکیں۔ بحیثیت مجموعی بہتر نظر اور نتائج کی بیش کارکردگی اور عملی فیصلہ سازی کے ذریعے ہم نتائج پر کم از کم 5 فیصد تک مثبت اثرات کی امید رکھتے ہیں۔”

مائیکروسافٹ ان ریٹیل کے بارے میں

مائیکروسافٹ عالمی خوردہ انفارمیشن ٹیکنالوجی سلوشنز فراہم کرنے والا ایک معروف عالمی ادارہ ہے۔ مائیکروسافٹ اسٹور سسٹمز میں ریٹیل پوائنٹ-آف-سروس آپریٹنگ سسٹمز کے اعتبار سے پہلے نمبر پر ہے۔ مائیکروسافٹ بزنس انٹیلی جنس میں بھی رہنما کی حیثیت رکھتا ہے کیونکہ خوردہ فروشوں کی بڑی اکثریت فیصلہ سازی میں مدد کے آلے کے طور پر ایکسل (Excel) کا استعمال کرتی ہے۔ مائیکروسافٹ جامع ترین اینڈ-ٹو-اینڈ سلوشنز کے ذریعے ڈیجیٹل مارکیٹنگ کی بھی قیادت کرتا ہے۔ اس کے ڈیجیٹل مارکیٹنگ سلوشنز اسٹیک (ونڈوز، ونڈوز سرور، ایس کیو ایل سرور، ڈاٹ نیٹ، وژول اسٹوڈیو) سے آن لائن (کامرس سرور) سے موبائل (ونڈوز موبائل)، اور ڈیجیٹل تشہیر (بنگ، ایڈ سینٹر) سے تفریح (ایکس بکس، ایکس بکس لائیو، زیون، سلورلائٹ) تک پھیلے ہوئے ہیں۔ مائیکروسافٹ آپ کی ڈیجیٹل دنیا میں آسان رسائی کے لیے اسٹورز، کامرس اور انٹرپرائز کے لیے “تین اسکرینوں” (پی سی، براؤزر، موبائل) کے ذریعے منسلکہ تجربات فراہم کرتا ہے۔

مائیکروسافٹ کا ریٹیل گروپ سافٹ ویئر فراہم کرتا ہے جو خوردہ فروشوں کو آج کی مسابقتی عالمی مارکیٹ میں انتہائی ذاتی اور منسلکہ خریداری تجربے کی طلب کو پورا کرنے کے ذریعے ترقی کی منازل طے کرنے میں مدد دیتے ہیں۔ مائیکروسافٹ خوردہ فروشوں کو مستقل ملٹی چینل انٹیگریشن اور جدید ٹیکنالوجیز اور موبائل اور نئے سوشل نیٹ ورکنگ چینلز کے ذریعے ایک یکساں خریداری تجربہ فراہم کرنے میں مدد دیتا ہے۔ مائیکروسافٹ اور شراکت داروں کی بنیاد پر پیش کردہ حل کے مجموعے کے ذریعے خوردہ فروش ڈیٹا کو بصیرت، خیالات کو عمل اور تبدیلی کو موقع میں تبدیل کر سکتے ہیں۔ مائیکروسافٹ کے ریٹیل گروپ کے بارے میں مزید معلومات http://www.microsoft.com/retail پر مل سکتی ہیں۔

مائیکروسافٹ کےبارے میں

1975ء میں قائم ہونے والا مائیکروسافٹ (نیس ڈیک: MSFT) سافٹ ویئر، خدمات اور حل پیش کرنے والا ایک معروف عالمی ادارہ ہے، جو افراد اور کاروباری اداروں کو اپنی مکمل صلاحیتوں کے ادراک میں مدد دیتے ہیں۔

ذریعہ: مائیکروسافٹ

رابطہ: وینڈی گروور از مائیکروسافٹ،

+1-425-705-7609

wegrover@microsoft.com

ہدایت برائے مدیران: اگر آپ مائیکروسافٹ کے حوالے سے مزید معلومات کے خواہاں ہیں تو مائیکروسافٹ کے کارپوریٹ انفارمیشن پیجز پر مائیکروسافٹ ویب پیج http://www.microsoft.com/presspass ملاحظہ کیجیے۔ اس اعلامیہ کے اجراء کے وقت تمام ویب روابط، ٹیلی فون نمبر اور خطابات درست کیے گئے تھے، لیکن ان میں تبدیلی کا امکان ہے۔ اضافی مدد کے لیے صحافی اور تجزیہ کار مائیکروسافٹ کی ریپڈ رسپانس ٹیم یا

http://www.microsoft.com/presspass/contactpr.mspx  پر موجود روابط میں سے مناسب فرد سے رابطہ کر سکتے ہیں۔

میک ڈونلڈز کی جانب سے دنیا بھر کے صارفین کے لیے اولمپک کھیلوں کا ذائقہ

اوک بروک، الینوائے، 12 جنوری/پی آرنیوزوائر-ایشیانیٹ/

ادارے کی اولمپک کھیلوں کے منصوبوں میں شمولیت کے لیے اولمپین شان جانسن اور پیٹرک چین کی میک ڈونلڈز میں شمولیت

میک ڈونلڈز نے آج ایک براہ راست ویب کاسٹ کے ذریعے نئے و دلچسپ اشتہارات اور کھلاڑیوں پر مشتمل پیکیجنگ اور وینکوور 2010ء اولمپک سرمائی کھیلوں کے حوالے سے اپنے مخصوص منصوبوں کی تازہ ترین خبروں کا اعلان کیا ہے۔

عالمی چیف مارکیٹنگ آفیسر میک ڈونلڈز میری ڈیلون، صدر میک ڈونلڈز کینیڈا جون بیٹس اور اولمپینز شان جونسن (امریکی طلائی تمغہ کے حامل جمناسٹ) اور پیٹرک چین (کینیڈا کے مردانہ فگر اسکیٹنگ چیمپیئن اور عالمی نقرئی تمغہ یافتہ) نے تفصیلات شیئر کیں کہ میک ڈونلڈز کس طرح اس فروری میں کھیلوں کے دوران دنیا بھر کے شائقین کے اولمپک تجربے کو بہتر بنائے گا۔

ڈیلون نے کہا کہ “کھلاڑی ہمیں مستقل بتا رہے ہیں کہ وہ ہمارے معیاری کھانوں کو پسند کرتے ہیں چاہے تربیت کر رہے ہوں یا کھیلوں میں فتح کے بعد جشن منا رہے ہوں، اور یہ ہمارے لیے قابل فخر وجوہات میں سے ایک ہے کہ ہم واحد برانڈ ہیں جو اولمپک کھیلوں کے دوران انہیں باضابطہ ریستوراں کی حیثیت سے خدمات فراہم کرتا ہے۔ ہمیں خوشی ہے کہ ہمارے کھانے ان کھلاڑیوں اور دنیا بھر میں پھیلے ہوئے روزانہ کے 58 ملین صارفین کی زندگیوں میں ایک خاص کردار ادا کرتے ہیں ۔

بیٹس نے کہا کہ “کھلاڑیوں کو کھانے فراہم کرنے کے علاوہ کینیڈا بھر میں ہمارے 1400 میک ڈونلڈز ریستورانوں میں کھیلوں کا جشن منانے کے لیے ہر فرد کے لیے کچھ موجود ہے۔ ہم چاہتے ہیں کہ ہمارے ہر صارف کو علم ہو کہ میک ڈونلڈز ان کا اولمپک کھیلوں کا ہیڈکوارٹر ہے اور ہماری نظریں مل کر جشن منانے کے لیے دنیا کا خیرمقدم کرنے پر مرکوز ہیں۔”

کھلاڑیوں کو غذاؤں کی فراہمی

میک ڈونلڈز وینکوور اور وسلر کے اولمپک ولیجز میں کھیلوں میں آنے والے ممکنہ 10 ہزار سے زائد کھلاڑیوں، کوچز اور آفیشلز  کی غذائی ضروریات پوری کرنے کے لیے دو نئے ریستوراں قائم کر رہا ہے، اور وینکوور میں مرکزی ابلاغی مرکز میں بھی ایک ریستوراں تعمیر کیا جا رہا ہے جہاں ممکنہ 3 ہزار ابلاغی نمائندوں کو خدمات فراہم کی جائیں گی۔ یہ ریستوراں دن کے 24 گھنٹے کھلے رہیں گے اور میک کیفے مشروبات اور ناشتے پیش کریں گے۔

غذائی خبریں

کینیڈا بھر میں پھیلے 1400 ریستورانوں میں، جن میں وینکوور اور وسلر کے علاقوں کے 30 سے زائد ریستوراں بھی شامل ہیں، صارفین محدود مدت کے لیے مخصوص طعام کا لطف اٹھا سکیں گے جیسا کہ سموریس پائی اور کریم برلی کرنچ میک فلری۔ ہیپی میلز میں 2010ء سرمائی اولمپک کھیلوں کے میسکوٹس پر مشتمل مزیدار اور انٹرایکٹو کھلونے شامل ہوں گے۔

سویڈن، ڈنمارک، فن لینڈ اور ناروے جیسے ممالک “شیئر دی گولڈ” کے عنوان سے خصوصی چکن میک نگٹ مہم پیش کر رہے ہیں۔ میک ڈونلڈز امریکہ کی کوششوں کا مرکز چکن میک نگٹس کے اجراء اور ایک محدود مدت کے لیے جاری کی گئی چٹنی ہے۔

میک ڈونلڈز کے اشتہارات اور پیکیجنگ

دنیا بھر میں پھیلی میک ڈونلڈز کی مارکیٹیں خصصی مہمات تیار کر رہی ہیں ان کے صارفین سے متعلق ہیں کہ وہ کھیلوں کے حوالے سے دلچسپیوں  اور تفریح کو شیئر کر سکیں۔ میک ڈونلڈز کینیڈا چھ نئے ٹیلی وژن اشتہارات (جن میں سے تین آج کی ویب کاسٹ میں پیش کیے گئے) نشر کرے گا۔ ریستوراں کے اندر ایڈورٹائزنگ میں میک ڈونلڈز کے پسندیدہ کھانوں اور کینیڈین اولمپک کھلاڑی کیسی کیمبل (خاتون آئس ہاکی) سنو بورڈر بریڈ مارٹن اور کرسپن لسپ کومب اور الیگزینڈر بلودیو (فری اسٹائل اسکی انگ) کو نمایاں کیا جائے گا۔

صارفین امریکہ بھر میں 15 ہزار ریستورانوں پر اپنے پسندیدہ سرمائی کھلاڑیوں کو دیکھیں گے جن میں گراہم ویٹانابے (مردانہ سنو بورڈ)، جینیفر روڈریگوئز (خواتین اسپیڈ اسکیٹنگ)، جے آر سیلسکی (مردانہ اسپیڈ اسکیٹن)، ڈسٹن بائی فوگلائن (مردانہ ہاکی)، پیٹرک ڈینین (مردانہ اسکی انگ)، کیلی کلارک (خواتین سنوبورڈ)، انجیلا روگیرو (خواتین آئس ہاکی) اور پیرالمپین سین ہالسٹیڈ (الپائن اسکی انگ) شامل ہیں جو یکم فروری سے کپوں اور تھیلوں پر ظاہر ہوں گے۔ سیلسکی اور ہالسٹیڈ میک ڈونلڈز کے نئے امریکی اولمپک ٹیلی وژن اسپاٹ میں بھی ظاہر ہوں گے جس کی جھلکی ویب کاسٹ میں دکھائی گئی۔

سویڈن، ڈنمارک، فن لینڈ اور ناروے کے کرلنگ اور اسکی جمپنگ کے شائقین کی نظریں نئے چکن میک نگٹس ٹیلی وژن اشتہارات پر مرکوز ہوں گی جس میں اولمپک کھیلوں کے مقابلوں میں تفریح شامل ہوگی۔ روس میں مشہور بگ میک سینڈوچ اشاعتی اور ٹیلی وژن اشتہاروں میں جلوہ گر ہوگا۔ نیا اشتہار کھلاڑیوں کو اولمپک کھیلوں کے شرکت کے بعد میک ڈونلڈز کے ریستورانوں پر جمع ہو کر جشن مناتے دکھاتا ہے۔

میک ڈونلڈز چیمپیئن کڈز

میک ڈونلڈ کا چیمپیئن کڈز پروگرام بیجنگ 2008ء اولمپک گرمائی کھیلوں کے موقع پر شروع کیا گیا جس میں دنیا بھر سے 6 سے 14 سال کے بچوں کو کھیلوں کا براہ راست تجربہ کرنے کا زندگی کا نایاب ترین موقع دیا گیا۔ وینکوور کے لیے میک ڈونلڈز چیمپیئن کڈز میں کینیڈا بھر کے بچے امریکہ، جرمنی، یوکرین اور انگلستان جیسے ممالک سے آنے والے بچوں کے ساتھ ملیں گے اور اولمپک سرمائی کھیلوں کی تقریبات میں شرکت، کھلاڑیوں سے ملاقات، اولمپک ولیج کا دورہ، ثقافتی مراکز کی سیر کریں گے اور اولمپک چیمپیئن کھلاڑیوں کی جانب سے اپنے طلائی تمغے حاصل کریں گے۔*

بچے خصوصی نوجوان نمائندے کی حیثیت سے بھی مقامی خبری اداروں کے ساتھ اپنے تجربات کو شیئر کریں گے۔ کینیڈا کے تجربہ کار نوجوان صحافی اور بلاگر وینکوور سے تعلق رکھنے والے میکس نیوٹن ان کی بہتر رہنمائی کریں گے۔ وہ بیجنگ کھیلوں میں میک ڈونلڈز چیمپیئن کڈ تھے اور 2010ء سرمائی کھیلوں میں پروگرام سفیر کی حیثیت سے واپس آئیں گے۔

کینیڈا بھر سے بچوں کا انتخاب ایک کمیٹی نے کیا ہے جس میں دو مرتبہ کی اولمپک طلائی تمغہ یافتہ اور سابق خاتون آئس ہاکی کپتان کیسی کیمبل شامل ہیں۔ دو مرتبہ کے اولمپک نقرئی تمغہ یافتہ ڈائیور الیگزینڈر ڈیسپاٹی کیوبک کے علاقے میں فیصلہ کے عمل کے دوران کیمبل کا ساتھ دیں گے۔ بچوں کے انتخاب کا انحصار اپنی صحت سے وابستگی، متحرک طرز زندگی گزارنے، قائدانہ صلاحیتوں اور غیر نصابی سرگرمیوں پر تھا۔

ویب کاسٹ کے دوران میک ڈونلڈز امریکہ نے اعلان کیا کہ میک ڈونلڈز چیمپیئن کڈز کی حیثيت سے 10 بچے امریکہ کی نمائندگی کریں گے **۔ امریکی پروگرام کے سفیر کی حیثیت سے اولمپین شان جانسن دیگر کھلاڑیوں کے ہمراہ اس آن لائن مقابلے میں فاتحین کے انتخاب کے لیے کیے گئے مقابلہ مضمون نویسی کو جانچتے رہے۔ بچوں نے اولمپک کی اقدار فضیلت، دوستی اور ادب و تعظیم کے حوالے سے لکھا۔ جانسن نے امریکہ بھر سے جیتنے والے خوش قسمت بچوں کو بذات خود یہ خوشخبری سنائی۔

جانسن کا کہنا ہے کہ “میں بچوں کی تخلیقی صلاحیتوں اور مضمون کے لیے ان کی کوششوں سے بہت متاثر ہوا۔ جیتنے والوں کو بتانا کہ وہ کھیلوں میں شرکت کے لیے جا رہے ہیں ایک شاندار تجربہ تھا۔ اولمپک کھیلوں نے میری زندگی بدلی اور 2010ء میک ڈونلڈز چیمپیئن کڈز کی زندگیوں پر اثرات ڈالنے والے کھیلوں کو دیکھتے ہوئے مجھے خوشی محسوس ہو رہی ہے۔”

میک ڈونلڈز اولمپک چیمپیئن عملہ

میک ڈونلڈز کے اولمپک سرمائی کھیلوں کے مقامات میں واقع ریستورانوں پر میک ڈونلڈ کا اولمپک چیمپیئن عملہ تعینات ہوگا، جو کینیڈا بھر میں 300 اعلیٰ کارکردگی دکھانے والے ریستوراں ملازمین پر مشتمل ہوگا۔ وہ کھیلوں کے دوران دنیا کے بہترین کھلاڑیوں، کوچز، آفیشلز اور ذرائع ابلاغ کے نمائندگان کے لیے پسندیدہ کھانے تیار اور پیش کریں گے۔

رونالڈ میک ڈونلڈ ہاؤس چیریٹی

میک ڈونلڈز کی میزبان ملک کو کچھ عطا کرنے کی اولمپک کھیلوں کی روایت کے طور پر رونالڈ میک ڈونلڈ ہاؤس چیریٹی آف کینیڈا ، صوبہ برٹش کولمبیا، رک ہینسن فاؤنڈیشن اور 2010ء لیگے سیز ناؤ کے تعاون سے، وینکوور، رچمنڈ اور وسلر میں واقع تین عالمی معیار کے کھیل کے میدانوں کی فنڈنگ میں مدد کر رہا ہے۔ یہ جدید کھیلوں کے میدان معذور بچوں کی ضروریات کو پورا کریں گے اور ان بچوں کو اپنے اقرباء، اہل خانہ اور دوستوں کے ساتھ مل کر کھیلنے کی سہولت دیں گے۔

چیریٹی نے وینکوور انتظامی کمیٹی کا 2010ء سسٹین ایبلٹی اسٹار فار لیگے سی پلے گراؤنڈ انیشی ایٹو دیا۔

ماحول

میک ڈونلڈز نے وینکوور 2010ء اولمپک کھیلوں کو تاریخ کے پہلے کاربن سے پاک کھیل بنانے کی کوششوں کی حوصلہ افزائی کر رہا ہے اور اس کے لیے اپنے رضاکار کاربن پارٹنر پروگرام کے ساتھ مل کر بالواسطہ کاربن اخراج کو ختم کرنے میں مدد کر رہا ہے۔ علاوہ ازیں میک ڈونلڈز کے تین اولمپک کھیلوں کے مقامات میں واقع ریستوران توانائی کی بچت کرنے والی روشنیوں اور آلات سے لیس ہوں گے۔ ان ریستورانوں میں استعمال ہونے والے آلات سرمائی کھیلوں کے اختتام کے بعد کینیڈا میں میک ڈونلڈز کے ریستورانوں میں دوبارہ استعمال اور ری سائیکل کی جائيں گی۔

میک ڈونلڈز کی اولمپک کھیل تاریخ

میک ڈونلڈز 1976ء میں اولمپک کھیلوں کا باضابطہ اسپانسر بنا اور اولمپک تحریک سے طویل المیعاد وابستگی رکھتا ہے، جس کا پہلی بار آغاز 40 سال قبل ہوا۔ 1968ء کے اولمپک سرمائی کھیلوں میں گرینوبل، فرانس میں امریکی کھلاڑیوں کو میک ڈونلڈز کے کھانوں کی شدید طلب کی اطلاع ملی تو میک ڈونلڈز فضائی راستے سے ہیمبرگر پہنچائے۔ اس کے بعد سے ادارے نے لاکھوں کھلاڑیوں، کوچز، ان کے اہل خانہ اور شائقین کے لیے پسند اور ورائٹی کے

میک ڈونلڈز 1976ءکے اولمپک کھیلوں میں باضابطہ اسپانسر بنا اور اولمپک تحریک سے طویل وابستگی رکھتا ہے۔ 1968ء میں گرینوبل، فرانس میں ہونے والے سرمائی اولمپک کھیلوں میں جب امریکی کھلاڑیوں کو میک ڈونلڈز کے کھانوں کی شدید خواہش ہوئی تو میک ڈونلڈز نے اپنے فضائی راستے سے انہیں ہیم برگرز پہنچائے۔ اس کے بعد سے ادارہ لاکھوں کھلاڑیوں، کوچز، ان کے اہل خانہ اور شائقین کے لیے پسندیدہ کھانے مہیا کررہا ہے۔ وینکوور 2010ء اولمپک سرمائی کھیل عالمی شراکت دار کی حیثیت سے میک ڈونلڈز کا ساتواں اور باضابطہ ریستوران کی حیثیت سے آٹھواں اولمپک کھیل ہے۔ میک ڈونلڈز کی حالیہ اسپانسرشپ 2012ءکے لندن اولمپکس تک جاری رہے گی۔

میک ڈونلڈز کے بارے میں

میک ڈونلڈز دنیا کے معروف فوڈ سروس ریٹیلر ہیں جس کے 100 سے زائد ممالک میں 32 ہزار سے زائد مقامی ریستوران ہیں۔ میک ڈونلڈز کے 70 فیصد سے زائد ریستوران فرنچائزیز کی ملکیت ہیں یا ان کے زیر انتظام چلائے جاتے ہیں۔ ادارے کے بارے میں مزید معلومات کے لیے ہماری ویب سائٹ www.aboutmcdonalds.com ملاحظہ کیجیے۔

میک ڈونلڈز ٹی او پی اولمپک گیمز اسپانسرشپ پر مزید معلومات اور اپ ڈیٹس، ویب سائٹ http://www.aboutmcdonalds.com/epk/2010OlympicWinterGames ملاحظہ کیجیے۔

روابط برائے ذرائع ابلاغ \

سوزین والیری، میک ڈونلڈز

suzanne.valliere@us.mcd.com یا 630-235-8128

 

لیزا میک کومب، میک ڈونلڈز

lisa.mccomb@us.mcd.com یا 630-623-3707

 

ایمیلی فلمر، گولن ہیرس،

efullmer@golinharris.com یا 612-716-6688

 

کاپی رائٹ میک ڈونلڈز

* کینیڈا سے میک ڈونلڈز چیمپیئن کڈز کے بارے میں معلومات http://www.mcdonalds.ca/olympics/en/ پر مل سکتی ہیں۔

**آج اعلان کردہ امریکی میک ڈونلڈز چیمپیئن کڈز کی مکمل فہرست کے لیے ملاحظہ کیجیے http://www.mcdonaldschampionkids.com

یہاں استعمال کیے گئے مندرجہ ذیل تجارتی نشان میک ڈونلڈز کارپوریشن یا اس کے ملحقہ اداروں کی ملکیت ہیں؛ میک ڈونلڈز، دی گولڈن آرچز لوگو، میک ڈونلڈز چیمپیئن کڈز، سموریس پائی اور کریم برلی کرنچ میک فلری، ہیپی میل، رونالڈ میک ڈونلڈ ہاؤس چیریٹیز، بگ میک، میک کیفے، چکن میک نگٹس۔

ذریعہ: میک ڈونلڈز

 

رابطہ:

سوزین والیری،

+1-630-235-8128،

suzanne.valliere@us.mcd.com،

یا

لیزا میک کومب،

+1-630-623-3707،

lisa.mccomb@us.mcd.com،

دونوں برائے میک ڈونلڈز؛

یا

ایمیلی فلمراز گولن ہیرس،

+1-612-716-6688،

efullmer@golinharris.com،

برائے میک ڈونلڈز

 

لوگو: http://www.newscom.com/cgi-bin/prnh/20091104/CG04937LOGO

ہائی سینس کے چیئرمین کا سی ای ایس اجلاس سے کلیدی خطاب

لاس ویگاس، 11 جنوری/پی آرنیوزوائر-ایشیانیٹ/

8 جنوری کو ہائی سینس گروپ کے چیئرمین چو ہوجیان نے لاس ویگاس میں کنزیومر الیکٹرونکس شو میں “ساختہ چین سے تخلیق چین تک کا سفر – ابھرتی ہوئی مارکیٹوں میں ٹیکنالوجیز” کے عنوان سے کلیدی خطاب کیا۔ یہ پہلا موقع ہے کہ 43 سال سے منعقد ہونے والے سی ای ایس میں کلیدی خطاب کے لیے کسی چینی کاروباری شخصیت کو مدعو کیا گیا ہو۔ یہ دعوت اس امر کو ظاہر کرتی ہے کہ چین کی گھریلو مصنوعات اور صارفی الیکٹرونکس کاروباری ادارے، جن کی نمائندگی ہائی سینس نے کی،  عالمی صارفی برقی صنعت میں مرکزی دھارے میں شامل ہو چکے ہیں ۔

(تصویر: http://www.newscom.com/cgi-bin/prnh/20100108/LA35099)

چو ہوجیان نے ابھرتی ہوئی مارکیٹوں میں صارفی برقی صنعت کی تیز تر ترقی اور چین کو مثال رکھتے ہوئے اقتصادی ترقی پر اس کے مثبت اثرات پر اپنی گہری نظر پیش کی۔ انہوں نے عالمی صارفی برقی مارکیٹ میں ایک ابھرتے ہوئے ستارے کی حیثیت سے ہائی سینس میں اپنے تجربات شیئر کیے اور تصور پیش کیا کہ انٹرنیٹ کے اس عہد میں ملٹی میڈیا ٹیکنالوجیز اور ماحول دوست سائنس کس طرح انسانوں کا معیار زندگی بہتر بنائے گی۔ شرکاء نے ان کی تقریر پر بھرپور جوش و خروش کا مظاہرہ کیا۔

چینی معیشت کے ظہور کے ساتھ اُن اہم مواقع کا بھرپور فائدہ اٹھایا جو فلیٹ-پینل ٹی ویز، عام ایل سی ڈی ٹی ویز کے مقابلے میں ایل ای ڈی ٹی ویز کی مقبولیت اور ٹرپل-پلے سروسز کے ارتقاء کے نتیجے میں ملے۔ آزادانہ اختراع کو بہتر بنانے اور اپنی آر اینڈ ڈی صلاحیتوں کو بہتر بنانے کے لیے ذریعے ادارے نے ہائی-اینڈ شعبوں میں کامیابی سے اپنا دائرہ وسیع کیا۔ مزید برآں ادارے نے اپ اسٹریم اور ڈاؤن اسٹریم تکمیلیت کے ذریعے اپنی مرکزی مسابقیت  کو بہتر بنایا۔ فریق ثالث کا جاری کردہ مستند ڈیٹا ظاہر کرتا ہے کہ ہائی سینس برانڈ مسلسل سات سالوں سے چین کی فلیٹ-پینل ٹی وی مارکیٹ میں سب سے زیادہ حصہ رکھتا ہے اور اس طرح ہائی سینس دنیا کے پانچ بڑے ٹی وی ساز اداروں میں سے ایک بنتا ہے، اور پہلی مرتبہ کوئی چینی ادارہ اس اعزاز کا حامل ہوا ہے۔ مستقل کوششوں کے حصے کے طور پر ہائی سینس نے نئی، ماحول دوست اور توانائی بچانے والی ٹیکنالوجیز کی تیاری میں سب سے آگے جا رہا ہے۔

انٹرنیٹ اور ملٹی میڈیا ٹیکنالوجیز کی تکمیلیت کا حوالہ دیتے ہوئے چو ہوجیان نے توجہ دلائی کہ ٹی وی بہت تیزی سے پروگرامز کے روایتی ٹیلی مواصلاتی ذریعہ سے ایک انٹرایکٹو ٹرمینل میں تبدیل ہوتے جا رہے ہیں۔ اس ارتقاء کا فائدہ اٹھانے کے لیے، ہائی سینس نے ایک انٹرفیس-دوست انٹرنیٹ ٹی وی تیار کیا ہے۔ اِس وقت ہائی سینس کی تمام ٹی وی مصنوعات نیٹ ورک انٹرفیسز اور بلٹ-اِن ایچ ڈی پلے بیک کی خصوصیات کے حامل ہیں۔ ادارہ ایک طاقتور بلٹ-اِن آپریٹنگ سسٹم، ٹی وی او/ایس، بھی تیار کر رہا ہے تاکہ نئی تفریحی و ویلیو-ایڈڈ خدمات کی وسیع ورائٹی کو براہ راست ٹی وی پر ممکن بنایا جا سکے اور گھریلو صارفین اور صارفین کو ایک تفریحی اور اطلاعاتی مواد رسدی زنجیر فراہم کی جا سکے۔

چو ہوجیان نے صارفی برقی صنعت کے مستقبل پر بھی اپنے اعتماد کا اظہار کیا۔ انہوں نے کہا کہ چینی حکومت سائنس اور تعلیم کے ذریعے چین کو قوی تر بنانے کی حکمت عملی پر جارحانہ انداز میں عمل کر رہی ہے، جو چینی اداروں کو دلیرانہ اختراعات اور اپنی مصنوعات کو “ساختہ چین” کے بجائے “تخلیق چین” کی حیثیت سے ترقی دینے پر رہنمائی کر رہی ہے۔ چین میں ایسے کئی معروف ادارے ہیں جو اگلے 15 سے 20 سالوں میں سرفہرست عالمی برانڈز بنیں گے۔ مزید برآں چینی کاروباری مالکان صنعتوں اور شعبہ جات میں رہنماؤں کی حیثیت اختیار کریں گے۔

کلیدی خطاب پر تبصرہ کرتے ہوئے کنزیومر الیکٹرانکس ایسوسی ایشن (CEA) کے صدر اور سی ای او گیری شاپیرو نے کہا کہ “چین میں ایک رہنما ادارے کی حیثیت سے، ہائی سینس بین الاقوامی مارکیٹوں میں اپنی قائدانہ پوزیشن پر مستقل ترقی کی منازل طے کر رہا ہے۔ جناب چو کی شمولیت نے سی ای ایس کے کلیدی خطیبوں کی فہرست میں اضافہ کیا۔ مصنوعات کے مظاہروں اور کاروباری تبادلہ خیال کے لیے ایک معیاری ترین مقام کی حیثیت سے سی ای ایس کو تمام کاروباروں کی جانب سے تسلیم کیا گیا ہے۔ ہم انتہائی مسرور ہیں کہ کثیر القومی ادارے، جیسا کہ ہائی سینس، سی ای ایس کی کلیدی خطیبوں کی ٹیم میں شمولیت اختیار کرسکتے ہیں اور دنیا کو اپنے عالمی وژن اور جدید خیالات سے آگاہ کریں۔”

رابطہ: جیسی ما/ برینڈا لیو

ٹیلی فون: +86 532 8087 8539 / 8933

mayuanyuan@hisense.com / Brenda@hisense.com

ذریعہ: ہائی سینس گروپ

 

مائيکروسافٹ نے ٹی وی کے نئے تجربات کو تقویت دینے کے لیے سافٹ ویئر اور کلاؤڈ سروس کو یکجا کر دیا

لاس ویگاس، 7 جنوری/پی آرنیوزوائر-ایشیانیٹ/

اعزاز یافتہ میڈیاروم ٹی وی پلیٹ فارم کا ورژن 2.0 سبسکرپشن ٹی وی فراہم کنندگان کو ایک واحد کلاؤڈ-بیس ڈھانچے کے ذریعے زیادہ تفریحی مواد فراہم کرنے اور زیادہ اقسام کی اسکرینز پیش کرنے کی سہولت دیتا ہے

2010ء انٹرنیشنل کنزیومر الیکٹرانکس شو (CES) میں مائیکروسافٹ کارپوریشن نے آج دنیا میں سب سے زیادہ پھیلائے گئے انٹرنیٹ پروٹوکول ٹیلی وژن (آئی پی ٹی وی) پلیٹ فارم کے اگلے ورژن مائیکروسافٹ میڈیاروم 2.0 کا اعلان کیا ہے۔ میڈیاروم 2.0 ٹیلی ورژن سروس فراہم کنندگان کو-گھر کے اندر اور گھر کے باہر دونوں میں-  اپنی ٹی وی خدمات کو  پہلے سے کہیں زیادہ سبسکرائبر تک پہنچانے اور میڈیاروم کے گزشتہ ورژن کے مقابلے میں مزید اسکرینوں پر زیادہ مواد فراہم کرنے کی سہولت دیتا ہے۔

(تصویر: http://www.newscom.com/cgi-bin/prnh/20100106/SF33691)

(لوگو: http://www.newscom.com/cgi-bin/prnh/20000822/MSFTLOGO)

میڈیاروم 2.0 جدول کے مطابق اگلے ماہ سے آپریٹرز کے لیے برائے تجربہ دستیاب ہوگا۔ میڈیاروم 2.0 آپریٹرز کی جانب سے مکمل ٹیلی وژن سروس کی فراہمی کے لیے تفریحی کلاؤڈ پاورنگ کے لیے استعمال کیا جا سکتا ہے، جس میں کلاؤڈ ڈیجیٹل وڈیو ریکارڈنگ (DVR)، برطلب (آن ڈیمانڈ) خصوصیات، انٹرایکٹو ایپلی کیشنز اور  آپریٹر کے ہوسٹ شدہ اور بیرونی ہوسٹ شدہ جیسے انٹرنیٹ ٹی وی، دونوں قسم کے مواد تک رسائی جیسی سہولیات شامل ہیں۔ آپریٹر کی سروس کا اس کے سبسکرائبر مختلف اسکرینوں پر لطف اٹھا سکتے ہیں جس میں ٹی وی (میڈیاروم سیٹ اپ بکس کے ساتھ)، ونڈوز میڈیا سینٹر، ویب براؤزرز (برائے ونڈوز بیسڈ پی سی اور میک)، ایکس بکس 360 اور مطابقت رکھنے والے اسمارٹ فونز شامل ہیں۔

میڈیاروم 2.0 کے ساتھ خدمات فراہم کنندگان اپنی موجودہ بر طلب ٹی وی سروس کو مکمل براڈبینڈ صارفی بیس پر پیش کرنے کے قابل ہوں گے جس کے لیے انہیں موجودہ سیٹ اپ بکس انونٹری کا استعمال کرنا ہوگا اور اس طرح اپنی خدمات کا دائرہ  آئی پی ٹی وی نیٹ ورک سے کہیں آگے تک بڑھا پائیں گے۔ اسی بر طلب سروس کا لطف ونڈوز میڈیا سینٹر استعمال کرنے والے ونڈوز 7 کے حامل پی سیز* اور ساتھ ساتھ ایکس بکس 360 کے حامل صارفین بھی اٹھا سکتے ہیں۔  خدمات فراہم کنندگان اپنے صارفین کو اُن کی بر طلب پروگرامنگ تک دور بیٹھے ونڈوز بیسڈ پی سی یا میک پر بذریعہ ویب براؤزر رسائی دے سکتے ہیں اور مستقبل قریب میں مطابقت رکھنے والے اسمارٹ فونز پر بھی۔

میڈیاروم 2.0 میں رسائی اور بر طلب مواد کی فراہمی کے لیے مائيکروسافٹ سلورلائٹ اور مائیکروسافٹ انٹرنیٹ انفارمیشن سروسز (IIS) رواں اسٹریمنگ کی سپورٹ بھی شامل کی گئی ہے۔ یہ سہولت صارفین کو اعلیٰ معیار کے پلے بیک تجربے سے روشناس کرائے گی کیونکہ آئی آئی ایس رواں اسٹریمنگ بہترین وڈیو معیار کو ممکن بنانے کے لیے صارف کے نیٹ ورک کنکشن کے لیے وڈیو اسٹریم کو اختیار کرتا ہے۔ مزید برآں مائیکروسافٹ پلے ریڈی کے لیے سپورٹ خدمات فراہم کنندہ کی موادی لائبریری کو محفوظ بنانے کی صلاحیت اور صارف کے تجربات سے فائدہ اٹھانے کو ممکن بناتا ہے۔

مائیکروسافٹ میں ٹی وی، وڈیو اینڈ میوزک بزنس کے کارپوریٹ نائب صدر اینرک رودریگوئز کا کہنا ہے کہ “میڈیاروم کے ساتھ ہماری حکمت عملی کلائنٹ سافٹ ویئر اور کلاؤڈ بیسڈ خدمات کی قوت کو یکجا کر کے صارف کے ڈیجیٹل تفریح کے تجربات کو بہتر سے بہترین بناناہے۔ ہم اچھے مواد کو تلاش اور دریافت کرنے، دیکھنے، سننے اور نئی صورتوں میں شمولیت اختیار کرنے اور کہیں بھی اور کسی بھی اسکرین پر لطف اٹھانے کے لیے صارف کو آسانی دینا چاہتے ہیں۔ میڈیاروم 2.0 ہماری حکمت عملی کا ایک کلیدی سنگ میل ہے، جو آپریٹرز کی خدمات کو تقویت بخشنے کے لیے سافٹ ویئر پلیٹ فارم مہیا کرتا ہے تاکہ اُن کے کلاؤڈز زیادہ اسکرینوں، اور زیادہ افراد اور کہیں زیادہ مواد تک رسائی حاصل کر سکیں۔”

مزید اسکرینیں

پی سی پر ٹی وی دیکھنا ایک بڑھتا ہوا رحجان ہے، یہ دوسری یا تیسری اسکرین ہے جو گھر پر یا دوران سفر ٹی وی دیکھنے لیے استعمال ہوتی ہے۔دیگر کے لیے غالباً پی سی ہی ٹی وی دیکھنے کے لیے واحد اسکرین ہے۔ ونڈوز 7 کے ونڈوز میڈیا سینٹر کے لیے میڈیاروم 2.0 کی نئی سپورٹ کا مطلب ہے کہ اب آپریٹرز اپنی پریمیم ٹی وی سروسز، بشمول براہ راست ہائی ڈیفی نیشن (HD) ٹی وی، ڈی وی آر اور بر طلب پروگرامنگ، کو کسی بھی ونڈوز 7 بیسڈ پی سی بھی بغیر کسی ہارڈویئر ٹیونر کے پیش کر سکتے ہیں۔ مزید برآں ڈی وی آر اور برطلب مواد کا لطف ایکس بکس 360، ونڈوز بیسڈ پی سیز اور میکس کے ویب براؤزرز اور مستقبل قریب میں مطابقت رکھنے والےاسمارٹ فونز پر دوران سفر بھی ، اٹھایا جا سکتا ہے۔

یہ سب صارفین کو زیادہ آزادی دیتی ہے کہ وہ مختلف اسکرینوں پر یکساں تجربے کے فوائد کے ساتھ اپنی ٹی وی سروس تک کہاں اور کیسے رسائی حاصل کرتے ہیں۔ مثال کے طور پر وہ اپنے شو کو ایک اسکرین پر دیکھنا شروع کریں اور کسی اور پر خاتمہ کریں۔ وہ اپنی وڈیو قطار کو اسمارٹ فون پر ترتیب دیں اور بعد ازاں ٹی وی یا پی سی پر دیکھیں۔ سفر کے دوران وہ اپنے اسمارٹ فون پر ریکارڈڈ ٹی وی دیکھیں اور بعد ازاں لیپ ٹاپ پر بر طلب خصوصیت کے ساتھ ایچ ڈی پر فلم دیکھیں، اور گھر پر اٹھائے جانے والا یکساں لطف حاصل کریں۔

مزید نیٹ ورکس

اب تک میڈیاروم فکسڈ لائن مینجمنٹ کوالٹی آف سروس (Qos) آئی پی نیٹ ورک پر فراہم کیا جاتا ہے۔ میڈیاروم 2.0 میں آئی آئی ایس رواں اسٹریمنگ ٹیکنالوجی کی شمولیت کے ذریعے مائیکروسافٹ نے آپریٹرز کو ایک پریمیم، ایچ ڈی کوالٹی وڈیو بر طلب سروس فراہم کرنے کی سہولت دی ہے، جو کم از کم بفرنگ اور تیز تر اسٹارٹ اپ ٹائم کے ساتھ مختلف بینڈ وڈتھ کے آئی پی بیسڈ نیٹ ورکس پر کام کرتی ہے۔

یہ آپریٹرز کے لیے خدماتی رسائی کو وسیع پیمانے پر پھیلانے اور فکسڈ لائن کے ساتھ ساتھ وائر لیس پر بھی اور مستقبل قریب میں موبائل براڈبینڈ نیٹ ورکس پر بھی، سہولیات فراہم کرنے کی سہولت دیتی ہے۔ انٹرنیٹ کے ذریعے صارفین کو صرف بر طلب ٹی وی وڈیو سروسز فراہم کرنے کے خواہشمند آپریٹرز کے لیے میڈیاروم 2.0 میں ایک سیٹ ٹاپ بکس کلائنٹ شامل ہے جو اس عمل کو سپورٹ کرتا ہے اور سبسکرائبر کی جانب سے از خود تنصیب کے لیے ڈیزائن کیا گیا ہے۔ یہ کلائںٹ مکمل میڈیا روم کارگزاری کے لیے بغیر کسی ہارڈویئر تبدیلی کے اپ گریڈ ایبل ہے۔

صارفین کے لیے اِس پیشرفت کا مطلب ہے کہ زیادہ افراد زیادہ مقامات پر جدید ترین میڈیاروم سے تقویت شدہ ٹی وی سروسز سے پہلے سے کہیں زیادہ مستفید ہونے کے قابل ہوں گے۔ اس کا ایک مطلب یہ بھی ہے کہ نیٹ ورک کی رفتار کچھ بھی ہو، وہ دیکھنے کے زبردست تجربے سے لطف اٹھائیں گے، جو آئی آئی ایس رواں اسٹریمنگ کی بلٹ ان سپورٹ کی بدولت ہے۔

مزید مواد

صارفین مواد اور بڑی لائبریریز تک رسائی کی طلب کر رہے ہیں، اور آئی پی ٹی وی آپریٹرز اس طلب کو پورا کرنا چاہ رہے ہیں اور ٹی وی اور ویب سے وڈیو کے ذریعے اپنے موجودہ مواد کی لائن اپ میں اضافے کے ذریعے فرق پیدا کر رہے ہیں۔ میڈیاروم 2.0 کے ذریعے اب آپریٹرز با آسانی براہ راست اور بر طلب ٹی وی پیش کر سکتے ہیں جو انٹرنیٹ ٹی وی شراکت داروں اور دیگر انٹرنیٹ بیسڈ موادی ذرائع کے پیش کردہ بیرونی مواد پر مشتمل ہے، جو سب ایک یکساں، آسان استعمال کے انٹرفیس کے ذریعے ایک جگہ جمع ہے۔ مواد کے پلے بیک کی نئی سپورٹ مائیکروسافٹ کی جدید موادی رسائی اور تحفظ کی ٹیکنالوجی پلے ریڈی کے ذریعے محفوظ کی گئی ہے، جو آپریٹر ٹی وی سروسز کے ممکنہ مواد کی بنیاد کو مزیعد توسیع بخشتی ہے۔ مزید برآں میڈیاروم ایپلی کیشن ڈیولپمنٹ پلیٹ فارم میڈیاروم پریزینٹیشن فریم ورک کے استعمال کے ذریعے ویب اور ٹی وی مواد کے بے جوڑ امتزاج اور بھرپور انٹرایکٹیوٹی فراہم کرنے کے لیے اپنی خدمات کو سب سے جدا کرنے کے لیے ایپلی کیشنز کا استعمال کر سکتے ہیں۔

ایک مرتبہ میڈیاروم 2.0 سے تقویت شدہ سروس کے آغاز کے بعد سبسکرائبرز اپنی مرضی کے مواد کا اپنے ٹی وی یا پی سی پر ایک ہی جگہ لطف اٹھانے کے قابل ہوں گے – اب انہیں اپنی مرضی کے مواد کے حصول کے لیے مختلف سائٹوں پر نہیں جانا پڑے گا اور نہ ہی پی سی کو ٹی وی سے جوڑنے کی ضرورت ہوگی۔ اس کے بجائے آسان استعمال کے رہنما، یا صرف دستیاب پروگرامنگ میں تلاش کر کے مختلف نیٹ ورکس پر اپنے طلب کردہ ٹی وی شوز تلاش کرنے اور دیکھنے کے قابل ہوں گے، یہ سب ایک مستقل پلے بیک تجربے کا حامل ہوگا۔

زیادہ آمدنی

تجزیہ کار فرم اسکرین ڈائجسٹ کے مطابق اولین پانچ میڈیاروم صارفین نے مارکیٹ کے عام پے ٹی وی آپریٹر کےمقابلے میں تین گنا زیادہ بر طلب اوسط آمدنی فی صارف (ARPUs) حاصل کی۔

میڈیاروم 2.0 میں ایک نیا بر طلب اسٹورفرنٹ شامل ہے جو میڈیاروم خدمات فراہم کنندگان کی آمدنی حاصل کرنے کی صلاحیت کو مزید بڑھاتا ہے۔ نیا بر طلب اسٹورفرنٹ بہترین وژوئل براؤزنگ، دریافت اور پلے بیک تجربے اور فراہم کنندگان کی خدمات کے دیگر عناصر تک آسان رسائی پیش کرنے کے ذریعے سبسکرائبر کے استعمال اور اطمینان کو بڑھاوا دینے میں مدد کے لیے ڈیزائن کیا گیا ہے۔

  میڈیا روم1 میڈیاروم 2.0
اسکرینز — ٹی وی بذریعہ سیٹ ٹاپ-بکس اور ایکس بکس 360 — ٹی وی بذریعہ سیٹ-ٹاپ بکس اور ایکس بکس 360
    — ونڈوز 7 بیسڈ پی سی بذریعہ ونڈوز میڈیا سینٹر
    — ونڈوز بیسڈ پی سیز اور میکس پر انٹرنیٹ براؤزر
نیٹ ورکس — مینیجڈ کیو او ایس آئی پی نیٹ ورک — مینیجڈ کیو او ایس آئی پی نیٹ ورک
    — ان مینیجڈ براڈبینڈ آئی پی نیٹ ورک (انٹرنیٹ)
مواد — صرف آپریٹر کا پیش کردہ مواد — آپریٹرز کے لیے اپنا ٹی وی مواد داخل کرنے اور انٹرنیٹ مواد (ٹی وی اور دیگر آڈیو وڈیو مواد) کا ربط دینے کی صلاحیت

 

مائیکروسافٹ میڈیاروم کے بارے میں

اعزاز یافتہ مائیکروسافٹ میڈیاروم انٹرنیٹ پروٹوکول ٹیلی وژن (IPTV) اور ملٹی میڈیا سافٹ ویئر پلیٹ فارم دنیا میں سب سے زیادہ پھیلایا گیا آئی پی ٹی وی پلیٹ فارم ہے۔ میڈیاروم دنیا بھر میں صارفین کو ٹی وی اور تفریح کے نئے تجربات سے روشناس کرانے کے لیے خدمات فراہم کنندگان کو نئی سہولیات دے رہا ہے۔ یہ صارفین کو ٹی وی کو اپنے منسلک ڈیجیٹل طرز زندگی کے حصے کے طور پر نئے راستے دکھاتا ہے اور ساتھ ساتھ براڈبینڈ سروس فراہم کنندگان، ہارڈویئر مینوفیکچررز، مواد تخلیق کاروں، مشتہرین اور ایپلی کیشن تیار کنندگان کے لیے کاروبار کے نئے مواقع بھی تخلیق کرتا ہے۔ چار بر اعظموں کے 20 سے زائد معروف عالمی خدمات فراہم کنندگان نے اپنی ڈیجیٹل ٹی وی سروسز کو چلانے کے لیے میڈیاروم پلیٹ فارم کو منتخب کیا ہے۔ میڈیاروم کے بارے میں مزید معلومات بہترین ٹی وی اور آپ کے تمام میڈیا کو ایک جگہ جمع کرنے کے موقع کے بارے میں معلومات

http://www.microsoft.com/mediaroom پر دستیاب ہے۔

مائیکروسافٹ کے بارے میں

1975ء میں قائم ہونے والا مائیکروسافٹ (نیس ڈیک: MSFT) سافٹ ویئر، خدمات اور حل پیش کرنے میں عالمی رہنما ادارہ ہے جو افراد اور اداروں کو اپنی صلاحیتوں کے حقیقی ادراک کا موقع دیتے ہیں۔

*ونڈوز 7 کے تمام ورژن علاوہ ونڈوز 7 اسٹارٹر

ذریعہ: مائیکروسافٹ کارپوریشن

ہدایت برائے مدیران: اگر آپ مائیکروسافٹ کے حوالے سے اضافی معلومات ملاحظہ کرنے کے خواہاں ہیں تو مائیکروسافٹ کے کارپوریٹ معلوماتی صفحات پر مائیکروسافٹ کا ویب صفحہ http://www.microsoft.com/presspass ملاحظہ کیجیے۔ اس اعلامیہ کے اجراء کے موقع پر ویب روابط، ٹیلی فون نمبرز اور خطابات درست کیے گئے تھے لیکن ممکن ہے کہ یہ تبدیل ہو گئے ہوں۔ صحافی اور تجزیہ کار مزید مدد کے لیے مائیکروسافٹ ریپڈ رسپانس ٹیم یا http://www.microsoft.com/presspass/contactpr.mspx  پر درج دیگر متعلقہ افراد سے رابطہ کر سکتے ہیں۔

رابطہ: ایڈلمین برائے مائیکروسافٹ

+1-206-223-1606

TVMMediaroom@edelman.com